Føroyar eru komnar í bólk saman við Turkalandi, Luksemborg og Litava í Nations League. Talan er um bólk 1 í deild C. Stutt eftir lutakastið kom skráin út. Hon sigur, at vit byrja og enda móti Turkalandi. Sermerkt við skránni er, at talan er um tveir landsliðssteðgir, har tann í juni telur heilar fýra dystir. Tað er ongantíð hent fyrr.
Landsliðspakkin, ið gevur atgongd til allar tríggjar heimadystirnar í UEFA Nations League, er nú settur til sølu í Nethandilinum á FSF.fo. Landsliðspakkin, ið gevur atgongd til allar tríggjar heimadystirnar, fæst til keyps í Nethandilinum á heimasíðuni hjá Fótbóltssambandi Føroya.
Kostnaður:
Kategori 1: 600 kr. (bólkur 103-106)
Kategori 2: 450 kr. (bólkur 101-102,107-108)
Kategori 3: 300 kr. (bólkur 109-110, 112-113)
Skansin: 300 kr. (bólkur 111)
Dystaskráin:
Leygardagin 4. juni Turkaland – Føroyar
Týsdagin 7. juni Føroyar – Luksemborg
Leygardagin 11. juni Føroyar – Litava
Týsdagin 14. juni Luksemborg – Føroyar
Hósdagin 22. sept. Litava – Føroyar
Sunnudagin 25. sept. Føroyar – Turkaland
