Tað gongur skjótt fyri seg, tá ræður um asfalttering, og bara hesa vikuna er asfalt lagt á vegir í Skopun fyri umleið 2,5 miljónir krónur. Tað er Kreton, sum hevur gjørt arbeiðið.
Gerhard Lognberg, borgarstjórin í Skopunar kommunu, sigur, at arbeiðið, sum nú er gjørt, hevur ligið á láni, men nú fíggjarvánirnar eru batnaðar, læt hetta seg gera.
- Tá vit komu undir eina álíkning í skuld fyrr í ár, og fíggjarliga gongdin framvegis ber á rætta borðið, hava vit valt at gera hesa íløgu, sum er harðliga tiltrongd.
Borgarstjórin vísir á, at tað eisini fer at eydnast Skopunar kommunu at gera skúlan í bygdini lidnan, sum hevur staðið í hálvum gekki í fleiri ár.
- Arbeiðið at gera skúlan lidnan hevur nú koyrt yvir eina tíð, og ætlanin er, at nýggi parturin av Skopunar skúla skal standa liðugur til skúlaársbyrjan í heyst, sigur Gerhard Lognberg.
Tað er byggifelagið, Sp/f Drangberg, sum ger høvuðsarbeiðið í Skopunar skúla, og sambært borgarstjóranum er ætlanin, at alt arbeiðið skal verða liðugt til heystar.
