Kristoffur Ragnarson, formaður í Stjørnuni, varð í dag handaður Ársins Rósu í Klaksvík. Tað skrivar Norðlýsið í kvøld.
Tá jólaskipið hevði lagt at í Klaksvík í kvøld, handaði borgarstjórin, Jógvan Skorheim, Ársins Rósu. Hesa ferð fall valið á Kristoffur Ragnarson, sum í mong ár hevur verið formaður í Stjørnuni.
Sambært Norðlýsinum hevur Kristoffur Ragnarson verið virkin í Stjørnuni í yvir 46 ár, og hevur, meiri enn nakar annar, verið ímyndin av felagnum.
