Talan var um framúr undirhald á Anfield í Liverpool, men heimaáskoðararnir fóru vónbrotnir til hús kortini.
4-4 javnleikurin var nevnliga dyggur smeitur hjá Liverpool, sum annars veruliga hevur hótt Manchester United seinastu nógvu vikurnar. Gamaní ger javnleikurin, at Liverpool nú aftur er oddalið við betri málmuni enn arvafíggindarnir úr Manchester. Men Sir Alex og hansara menn hava tveir dystir tilgóðar, og tí kann brekkan gerast ógvuliga tung hjá Liverpool.
Heimaliðið sat annars á tí nógva fyri steðgin, men mál fingu teir ikki. Ístaðin kundi Arshavin gera sær dælt, tá Liverpool-verjan ikki ruddaði nóg væl, men stutt eftir steðgin hevði Liverpool svarað aftur. Fyrst við góðum stútara frá Torres eftir verjumistak, og síðani við stútara frá einum kavandi Benayoun.
Arshavin svaraði tó aftur eftir tvey mistøk í Liverpool-verjuni, men heimaliðið vildi framvegis ikki geva seg.
Torres javnaði til 3-3, áðrenn Arshavin aftur skoraði móti endanum av vanligu leiktíðini, tá Liverpool satsaði alt ov nógv við hornasparksstøðu. Men kortini varð eitt stig verandi á Anfield, tá Benayoun aftur javnaði.
