Emmanuel Adebayor legði Tottenham á odda tíðliga í dystinum, men fekk løtu seinni reytt kort. Tað kotaði dýrt, tí Arsenal vann uttan stórvegis trupulleikar 5-2.
Uttan iva mest avgerandi løtan í London uppgeðini millum Arsenal og Tottenham á Emirates leikvøllinum í dag, kom 18 minuttir inn í fyrra hálvleik. Fyrrverandi Arsenal framherjin, sum stutt frammanundan var fyrstur á ein retur í Arsenal brotsteiginum og legði gestirnar á odda, fekk beinleiðis reytt kort.
Framherjin tveitt seg í eina takling við strektum beini og knobbinum fremst. Hann rakti Santi Carzola og Howard Webb hevði ongan annan møguleika enn at geva reytt kort.
Hetta vendi dystinum og Arsenal sat á restina av dystinum. Fyrst javnaði Per Mertesacker við sínum fyrsta máli fyri Arsenal, áðrenn Lukas Podolski og Oliver Giroud løgdu Arsenal á odda fyri hálvleik.
Í seinna hálvleiki økti Santi Carzola til 4-2, áðrenn Gareth Bale við góðum máli minkaði um munin. Tottenham var ongantíð nær við at hótta leiðsluna hjá Arsenal, og stutt fyri tíð staðfesti Theo Walcott sigurin við máli til 5-1.
Premier League:
Arsenal Tottenham 5-2
17/11:
Liverpool Wigan 15:00
Manchester City Aston Villa 15:00
Newcastle Swansea 15:00
QPR Everton 15:00
Reading Everton 15:00
WBA Chelsea 15:00
Norwich Manchester United 17:30
18/11:
Fulham Sunderland 16:00
19/11:
West Ham Stoke 20:00
