Fyrstu dystirnir í fyrsta umfari í Premier League hava verið í dag. Millum annað misti Liverpool á heimavølli, meðan Bolton gjørdi bart í fyrsta dystinum. Eisini Arsenal spældi javnt.
Arsenal megnaði ikki at knúgva Newcastle í fyrsta umfarinum í Premier League. Dysturin endaði við málleysum javnleiki. Nýinnkeypið hjá Arsenal, Gervinho, fekk reytt kort í seinna hálvleiki fyri at sláa Joey Barton. Bæði liðini komu í góðar støður, men einki mál kom.
Tað er hent nógv í Liverpool síðani ársskiftið og vónirnar eru undan hesum kappingarárinum eru betri enn undanfarna. Liverpool kom eisini á odda í fyrsta dystinum móti Sunderland. Tað var Luis Suarez, ið stutt frammanundan hevði brent brotsspark, sum legði Liverpool á odda. Í seinna hálvleiki javnaði sviin, Sebastian Larsson. Liverpool hevði ilt við at leggja Sunderland undir trýst seinastu løtuna og dysturin endaði við javnleiki.
Bolton var á vitjan hjá uppflytarunum Queens Park Rangers(QPR). Bolton gjørdi bart og vann ikki minni enn 4-0. Nógv bendir á at Blackburn fær eitt torført kappingarár. Óskil valdar handan leiktjøldini og í dag taptu teir móti Wolverhampton á heimavølli.
Móttsøðuliðið hjá NSÍ í Evropa League, Fulham, spældi málleysan javnleik móti Aston Villa á heimavølli. Wigan og Norwich deildu stigini í 1-1 javnleiki.
Premier League um vikuskiftið:
Leygardagin 13/8:
Blackburn Wolverhampton 1-2
1-0 Mauro Formica, 20
1-1 Steven Fletcher, 22
1-2 Stephen Ward
Fulham Aston Villa 0-0
Liverpool Sunderland 1-1
1-0 Luis Suarez, 11
1-1 Sebastian Larsson, 57
Queens Park Rangers Bolton 0-4
0-1 Gary Cahill, 45
0-2 Daniel Gabbidon, 67 sjálvmál
0-3 Ivan Klasnic, 70
0-4 Fabrice Muamba, 79
Tottenham Everton Útsett
Wigan Norwich 1-1
1-0 Ben Watson, 21 br
1-1 Wesley Hoolahan, 45
Newcastle Arsenal 0-0
Sunnudagin 14/8:
Stoke Chelsea (13:30)
West Bromwich Albion Manchester United (16:00)
Mánadagin 15/8:
Manchester City Swansea (20:00)
