Arsenal hevði í kvøld knívin á barkanum. Skuldi felagið gera sær nakrar vónir um víðari luttøku í Champions League kappingini, mátti felagið vinna heimadystin móti Bayern Munchen.
Les eisini: Arsenal hevur knívin á barkanum
Og Arsenal reisti seg í kvøld.Teir vunnu heimadystin móti Bayern Munchen 2-0.
Bæði málini hjá Arsenal komu í seinna hálvleiki. Fyrst legði innskifti Olivier Giroud Arsenal á odda, og í yvirtíðini Mesut Øzil til endaliga úrslitið 2-0.
Í hinum dystinum í bólkinum vann Olympiakos 1-0 á útivølli móti Dinamo Zagreb.
Barcelona vann uttan Messi á útivølli
Barcelona, sum í Hvítarusslandi spældi móti Bate Borisov vann í kvøld á útivølli fyri fyrstu ferð í fýra dystir. Teir vunnu dystin 2-0 við tveimum málum frá Ivan Rakitic.
Tað hevur annars gingið striltið hjá Barcelona at vunnið á útivølli síðani stóra stjørnan á liðnum, Lionel Messi, gjørdist skaddur.
Í hinum dystinum í tí bólkinum spældu Bayer Leverkusen og Roma undirhaldandi 4-4 javnleik.
Í bólki G spældi Chelsea javnt á útivølli móti Dinamo Kiev. Tann dysturin endaði 0-0. Porto hinvegin, vann sín dyst 2-0 á heimavølli móti Maccabi Tel Aviv og liggur tí á fyrsta plássinum í tí bólkinum í løtuni.
Í seinasta bólkinum, bólki H, vunnu bæði heimaliðini sínar dystir. Valencia vann 2-1 á heimavølli móti Gent, meðan Zenit Skt. Pætursborg vann 3-1 ímóti Lyon.
Úrslitini í kvøld:
Bólkur E:
Bate Borisov-FC Barcelona 0-2
Bayer Leverkusen-AS Roma 4-4
Bólkur F:
Arsenal-Bayern Munchen 2-0
Dinamo Zagreb-Olympiakos 0-1
Bólkur G:
Dinamo Kiev-Chelsea 0-0
FC Porto-Maccabi Tel Aviv 2-0
Bólkur H:
Valencia-Gent 2-1
Zenit Skt. Pætursborg-Lyon 3-1
Støðurnar í bólkunum eftir 3 umfør:
Bólkur E:
1. Barcelona 7 stig
2. Bayer Leverkusen 4 stig
3. BATE Borisov 3 stig
4. AS Roma 2 stig
Bólkur F:
1. Bayern Munchen 6 stig
2. Olympiakos 6 stig
3. Arsenal 3 stig
4. Dinamo Zagreb 3 stig
Bólkur G:
1. FC Porto 7 stig
2. Dinamo Kiev 5 stig
3. Chelsea 4 stig
4. Maccabi Tel Aviv 0 stig
Bólkur H:
1. Zenit 9 stig
2. Valencia 6 stig
3. Gent 1 stig
4. Lyon 1 stig
