Manchester City var greiður favorittur hjá veddingarfyritøkunum at vinna á Arsenal í hálvfinaluni í heimsins elstu fótbóltskapping - FA Cup - á Wembley leikvøllinum í London í kvøld.
Men tað løgdu Arsenal og tá serliga Pierre-Emerick Aubameyang líka lítið í.
Tá 19 minuttir vóru farnir legði Pierre-Emerick Aubameyang Arsenal á odda við at seta bóltin í mál via stongina aftaná gott forarbeiðið av Pépé.
Fyrra partin av seinna hálvleiki hevði Manchester City nakrar góðar royndir, men tá 71 minuttir vóru farnir økti Pierre-Emerick Aubameyang til 2-0 til Arsenal.
Hesaferð var tað Kieran Tierney sum átti forarbeiðið áðrenn Pierre-Emerick Aubameyang fekk bóltin framvið Ederson í málinum hjá City. City kom ikki afturíaftur, og Arsenal sum higartil í søguni hevur vunnið FA Cup kappingini 13 ferðir, ið er met skal nú spæla sína FA Cup finalu nummar 21 í søgu felagsins.
Í annaðkvøld fæst at vita um mótstøðuliðið hjá Arsenal eitur Chelsea ella Manchester United.
Manchester United, ið hevur vunnið FA Cup kappingina 12 ferðir í søguni kann spæla seg í finalu nummar 21 í søguni, og Chelsea sum hevur vunnið FA Cup kappingina átta ferðir kann spæla seg í finalu nummar 14 í søguni.
HER ber til til at síggja málini.
