Jóannes Eidesgaard segði á tingsins røðarapalli, at hann vónaði ikki, at vit fingu eina nýggja bankakanning, tí seinast, vit høvdu eina slíka, førdi tað til, at Høgni Hoydal varð valdur á ting. Hetta helt blaðstjórin á Dimmu vera arrogant, nonsjalant og tekin um, at Jóannes Eidesgaard hevur verið ov leingi í politikki
Johan Dahl segði í sjónvarpinum herfyri í málinum um Skráseting Føroya, at hann »refereraði ikki til tin eina kontórdamu á gólvinum, men bara til stjóran«. Hetta helt blaðstjórin vera »fullstendiga undir beltið«:
- Hann er landsstýrismaður í javnstøðumálum og úttalar seg um »kontórdamuna á gólvinum«. Hevði hatta verið í Svøríki, so varð hann koyrdur frá, segði hon.
Jú, arrogantir eru okkara politikarar so mangan, so tað er bara gott, at slíkt kemur fram. Hevði sjónvarpið spurt um hetta á okkara redaktión, so kundu vit fortalt teimum, at Jóannes Eidesgaard tímir ikki at luttaka í einum politiskum kjaki á Hvonn Live sendingini hjá Rás2 komandi leygarkvøld, tí hann »tímir ikki at luttaka í sending, sum bara hevur til endmáls at fylla eina kafé«.
Og løgmaður hevur heldur ikki stundir at vera við - og tað er aðru ferð, at hann gevur avboð til politiskt orðaskifti á Hvonn Live. Meðan Eidesgaard sendir næsta fólk sítt, Helenu Dam á Neystabø, hevur løgmaður enn ongan vat at senda fyri seg.
Hvør skal siga. Hava teir gloymt, hvønn teir umboða?
Arrogant? Ja!
Nonsjalat? Ja!
Virðiligt: NEI!
Hetta skriva vit okkum sjálvandi aftan fyri oyrað...
