Sjáldan hevur spenningurin verður so stórur undan einum løgtingsvali sum hesaferð. 1. september skulu vit veljarar avgera, hvør skal stýra og lóggeva í Føroyum komandi fýra árini.
- Nógvir stórir og álvarsligir spurningar eru at taka støðu til, men ofta ber illa til at vita, hvat hvør einstakur flokkur heldur. Fyri at fáa greiðu á hesum, verða tríggir valfundir hildnir í SMS í Havn.
SMS sigur í tíðindaskrivi, at fundirnir verða ávikavist mikukvøldini 19. og 26. august klokkan 19 og leygardagin 29. august klokkan 14.
- Umboð fyri allar flokkar sleppa til orðanna, og flestu spurningar verða vendir á hesum fundum.
SMS vísir á, at á fyrsta fundi, sum verður nú mikukvøldið klokkan 19, verða vinnuviðurskiftini í Føroyum viðgjørd.
- Sámal Ravnsfjall fer at syngja tvær vísur, og orðstýrari á fundinum verður Árni Gregersen, sigur SMS í tíðindaskrivi í kvøld.
