Oddaliðið EB/Streymur hevur í dag á heimavølli vunnið 3-0 ímóti Skála Oddaliðið EB/Streymur liggur væl á kósini. Í dag hevur toppliðið vunnið 3-0 á heimavølli ímóti botnliðnum Skála.
Toppskjúttin í Formula deildini, Arnbjørn Hansen, var tvífaldur málskjútti. Hann skoraði fyrsta og triðja málið. Bárður Olsen skoraði annað málið, tá ið hann umsetti brotsspark til mál. Brotssparkið varð dømt, tá ið Skála verjan tók beinini undan Sorin Anghel.
