Tað er so spennandi í hesi kappingini, sum tað ber til at vera. Tann, sum á Ólavsøku verður fremri av Argjabátinum og Kvívíkingi verður FM vinnari.
Um metast skal út frá úrslitinum í dag í góðveðrinum í Sørvági, so er tað Argjabáturin, sum er favorittur.
Fríggjarin var leingi fremstur, og tað sá út til, at Fríggjarin ætlaði sær at vinna. Men tað vildu argjamenn ikki.
Argjabáturin legði seg á odda, og Argjabáturin var ein lítlan hálvan skut frammanfyri Fríggjaran, sum vann við einum skuti á Kvívíkingi.
Aftur í dag var Árnfirðingur leingi við, men enn eina ferð datt Árnfirðingur aftur av, og kom á mál meiri enn eina bátslongd aftanfyri Kvívíking.
Knørrur vann kappingina við Ørv um at sleppa undan aftasta plássinum.
1 Argjabáturin 07:06.20
2 Fríggjarin 07:07.08
3 Kvívíkingur 07:08.00
4 Árnfirðingur 07:12.23
5 Knørrur 07:24.19
6 Ørvur 07:30.09
Støðan
1 Kvívíkingur 38
2 Argjabáturin 37
3 Fríggjarin 31
4 Árnfirðingur 26
5 Knørrur 15
6 Ørvur 15
