Óli Jacobsen
------------
Skrivingin í samband við Fiskimannafelagið seinastu tíðina er grundað á sakarmálið millum FF og reiðaríið hjá Arctic Viking.
Sum áður greitt er frá varð sakin av FF sjálvum í rættinum og bløðum fyri ein part løgd upp til at snúgva seg um mítt trúvirði.
Hesa sakina tapti fiskimannafelagið púra greitt. Tað kann einki meiningsleyst uttanumtos káva útyvir. Tí er óneyðugt við fleiri viðmerkingum, uttan at henda herferðin móti vitni í einum rættarmáli er sera nær markinum fyri brot á teirri i verju, sum eitt vitni hevur krav uppá í okkara rættarskipan. Tað sigur nú heldur ikki so lítið um teir sum standa fyri hesum.
