Á miðdegi í dag fekk løgreglan boð um, at eitt arbeiðsóhapp var hent í Viðareiðistunlinum.
Ein maður var komin undir eina maskinu, sum hevði koyrt tvørtur yvir beinunum á honum.
Sjúkrabilur varð boðsendur og løgregla og Arbeiðseftirlit fóru eisini á staðið.
Løgreglan sigur, at maðurin varð fluttur á Landssjúkrahúsið, og har varð hann innlagdur við brotnum beini.
