Í morgin hava arbeiðsmenn í Havn almenna móttøku í nýggja bygninginum við Tinghúsvegin í Havn.
Nýggi bygningurin á Tinghúsvegi 5 stóð leingi í gerð, men nú er hann liðugur og tikin í nýtslu.
Í tí sambandi bjóðar Havnar Arbeiðsmannafelag til almenna móttøku í bygninginum í morgin, fríggjadagin, frá kl. 15.30 til 18.00.
Á skránni verða m.a. sangur, røður og filmur, sigur felagið, og okkurt gott verður eisini til góman.
Havnar Arbeiðsmannafelag er 100 ár í ár, og bók verður í løtuni skrivað um felagið. Kunnað verður um hetta arbeiðið á móttøkuni.
Filmurin, sum verður vístur, er um fyrstu 10 árini hjá felagnum - frá stovnanini í 1916, til Føroya Arbeiðarafelag verður stovnað í 1925.
