Arbeiðið at gera tunlarnar Norður um Fjall, hevur gingið rættiliga skjótt. Landsverk sigur, at í farnu viku vórðu 102 metrar boraðir í tunlunum norður um Fjall. Av teimum vórðu 52 metrar boraðir í Hvannasundstunnlinum og 50 metrar vórðu boraðir í Árnafjarðartunlinum.
Landsverk sigur, at hetta er met, tí so nógv er ongantíð borað áður. Tilsamans er u nú 719 metrar boraðir í Hvannasundstunlinum og har eru 1.476 metrar eftir at bora. Í Árnagjarðartunlinum eru 435 metrar boraðir so har eru eftir 1.455 eftir at bora.
