Tiltakið byrjar við eini skrúðgongu úr garðinum hjá Havnar Arbeiðarafelag millum felagshúsið og Ebenezer, klokkan 15:45, og síðani verður gingið í skrúðgongu oman í Vágsbotn, har sjálvt haldið byrjar klokkan 16.
Røðarar í ár verða Bjørg Brynhildardóttir Egholm - lesandi, Dávid McLeod - verkafólk, Jóhan Carl Dam - fyrrverandi nevndarlimur í HAF og Heri Reynheim - formaður í HAF.
Signar og John spæla í samband við haldið, og Jóanes Nielsen lesur nakrar yrkingar.
Havnar Hornorkestur luttekur við horntónleiki.
Tórshavnar KFUK selja vafflir, kaffi, te o.l
Tulkatænasta luttekur við tulki.
Økið verður stongt fyri ferðslu.
– Vit gleða okkum at síggja tykkum, skrivar Havnar Arbeiðarafelag.
Um regnið órógvar ov illa, so verður 1. maidagshaldið flutt undir glastakið millum Miðlahúsið og Reinsaríið.
