Jógvan Hugo Gardar skrivar úr Oslo
Saga Petroleum leggur fyrrapartin í dag fram eina ársfrágreiðing, sum vísir eitt hall uppá 1,5 milliardir norskar krónur. Hetta veit norska útvarpið, NRK, at siga í morgun.
Samstundis verður roknað við at Saga Petroleum vil kunngera, hvar í felagnum skerjingar koma. Útreiðslustøðið í 1999 byggir nú á ein oljuprís uppá tíggju dollarar fyri oljufatið.
Saga Petroleum hevur ikki boðað frá, hvar og hvussu nógv fólk verða søgd upp, men 400 av teimum 1600 starvsfólkunum í Saga Petroleum verða send heim.
Í fyrstu atløgu verður roknað við, at hetta rakar meinast á høvuðsskrivstovuni í Sandvika uttan fyri Oslo, í Stavanger og í Norðsjónum.
Virksemið uttan fyri Noreg er fyribils ikki nevnt.
