Arbeiðið við nýggju útstykkingini uppi á Vatnsryggi á Sandi er nú farið í gongd, soleiðis sum viðhefta mynd vísir. Tað veit Sands kommuna at siga í dag.
Lagt verður aftrat, at fyrsta maskinan hjá Articon, sum skal gera hetta arbeiðið, er komin suður og er farin í holt við at reinsa helluna.
Tað verða 13 nýggj grundstykki í hesi útstykking, og sambært tíðarætlanini skal arbeiðið verða liðugt til jóla.
Á Sandi noyðast tey eisini at brynja seg, nú Sandoyartunnilin nærkast - við risafetum - sum tey í Sandoynni seinastu tíðina hava tikið til.
