Juventus boðar í kvøld frá, at venjarin Antonio Conte hevur valt at gevast í felagnum. Antonio Conte hevur verið venjari hjá Juventus seinastu trý kappingarárini, har felagið hevur vunnið meistaraheitið trý ár á rað.
Antonio Conte sigur at orsøkin til at hann steðgar er hendan.
- - Eg havi tikið avgerð um at siga mín sáttmála upp. Eg havi havt tað í huganum í eina tíð og mínar kenslur tóku avgerðina. Tað verður torført at halda fram at vinna við Juventus.
Enn er ikki greitt, hvør venjari fer at taka yvir eftir Antonio Conte.
