Eftir ætlanini skulu 14 almenn umboð til Keypmannahavnar í sambandi við kirkjuyvirtøkuna, men talið verður helst minni. Løgtingslimurin Annita á Fríðriksmørk úr Tjóðveldisflokkinum, sum er í tí politiska fylgibókinum, fer ikki til hátíðarhaldið í Keypmannahavn, tá yvirtøkuskjalið um føroysku fólkakirkjuna verður undirskrivað á Bryggjuni. Við Útvarpið sigur hon, at fylgibólkurin hevur verið ov lítið uppi í arbeiðnum, og at ov nógv verður gjørt burturúr.
Tað eru Jógvan á Lakjuni, landsstýrismaður, og Bertel Haarder, kirkjumálaráðharri, sum skulu sriva undir.
Lisbeth L. Petersen úr Sambandsflokkinum hevur eisini fingið innbjóðing at koma til Keypmannahavnar í sambandi við staðfestingina, men tað er ikki vist, at hon fer at taka av.
-Tað er ikki landsstýrismaðurin, sum endaliga skal góðkenna yvirtøkuna, men Løgtingið, og tí hevur handan undirskrivingin ikki tann stóra týdningin, sigur Lisbeth L. Petersen við Norðlýsið.
