Liðið hjá føroyska landsliðsmálverjanum, Anniku Fríðheim Petersen, Follo hevur nú spælt seks dystir í bestu norsku hondbóltsdeildini.
Higartil hevur verið talan um ein sigur og fimm tap, og er Follo næstaftast í deildini við bert tveimum stigum.
Í vikuskiftinum tapti Follo á útivølli 32-33 (16-16) fyri Oppsal.
Kappingarneytin hjá Anniku, June Cecilie Krogh vardi málið hjá Follo størra partin av tíðini, tó slapp Annika tíðum á vøllin at verja málið hjá Follo. So eisini í Follo er kappingin hørð um at verja málið.
Komandi sunnudag hevur Follo heimadyst móti Fredrikstad.
