Gongdin er tung hjá landsliðsmálverjanum, Anniku Fríðheim Petersen og liðfeløgunum í Follo í bestu norsku hondbóltsdeildini.
Follo hevur higartil tapt sjey av átta dystum hetta kappingarárið.
Follo er aftast í deildini saman við Aker við bert tveimum stigum.
Í dag tapti Follo 26-29 fyri Byåsen. Í fyrra hálvleiki gekk av skriðuni. Byåsen var á odda 17-9 í steðginum.
Annika hevði eitt bjargingarprosent upp á 23 prosent, sambært hagtølunum.
Komandi mikudag tekur Follo móti Storhamar í dysti í norsku steypakappingini.
