Í kvøld er tað, sum frammanundan tóktist sikkurt, kúvent, nú aðrir flokkar hava skipað samgongu í Havn.
Í nátt kom annars eitt tíðindaskriv frá Heðini Mortensen um, at Javnaðarflokkurin, Sambandsflokkurin og Fólkaflokkurin høvdu skipað samgongu við Heðini Mortensen á odda, men nú er borgarstjórin koppaður.
Annika Olsen verður nýggjur borgarstjóri og aftrat sær hevur hon Tjóðveldi og Framsókn.
Vit kunnu sostatt staðfesta, at tað er meiriluti av kvinnum í samgonguni á Vaglinum.
Meðan Annika Olsen, borgarstjóri umboðar Fólkaflokkin eru Bergun Kass, Framsókn og Gunvør Balle, Turið Horn og Marin Katrin Frýdal umboðandi Tjóðveldi aftrat henni.
Umframt kvinnurnar eru eisini Bogi Andreasen í Fólkaflokkinum og Jákup Dam í Tjóðveldi.
