Tað er blaðið Observer, sum hevur spurt bretar, hvat teir høvdu atkvøtt, um fólkaatkvøða hevði verið nú um bretska limaskapin í ES. 48 prosent svara, at tey høvdu atkvøtt fyri at fara úr samveldinum. 37 prosent høvdu atkvøtt fyri at varðveita limaskapin.
Hinvegin vísir kanningin, at eydnast tað stjórnini hjá David Cameron at útvega Bretlandi betri sømdir í ES enn nú, eru 42 prosent av teimum spurdu til reiðar at atkvøða fyri framhaldandi limaskapi. 36 prosent siga, at tey høvdu framvegis atkvøtt fyri at siga limaskapin upp.
David Cameron hevur sagt, at vinnur hansara konservativi flokkur næsta parlamentsvalið, verður fólkaatkvøða í 2017 um bretska ES-liaskapin.
