Óhappið hendi, tá menn vóru í ferð við at royna flogfarið inni á verksmiðjuni í Tolouse, skrivar AFP.
Talskvinnan hjá Airbus-verjsmiðjuni, Barbara Kracht, sigur, at vongurin brotnaði ímillum tveir motorar, men tá var hann settur undir fleiri ferðir størri trýst enn vanligt. Óhappið fer tó ikki at darva framleiðsluni, og tey fyrstu flogførini verða latin keyparunum til avtalaða tíð, sigur talskvinnan.
Airbus 380 er størsta ferðamannaflogfar í heiminum. Tað hevur pláss fyri 550 ferðafólkum.
