Tað er í dag, mikudagin 20. juni klokkan 17 og í morgin, 21. juni klokkan 16, at almenn hátiðarhald verða hildin í skúlunum í Eysturkommunu, ávikavist í Gøtu og Leirvík.
Høvi til fráfaringarhaldini er, at tveir lærarar í kommununi, Anna Thomsen og Dánjal Eysturstein, nú gevast sum lærarar í Gøtu og Leirvík.
Fráfaringarhaldið fyri Onnu Thomsen verður í skúlanum í Gøtu, og fráfaringarhaldið fyri Dánjali Eysturstein verður í skúlanum í Leirvík.
Í Eysturkommunu siga tey, at øll eru hjartaliga vælkomin til haldini - í dag klokkan 17 í Gøtu og í morgin klokkan 16 í Leirvík.
