TRÝST á PÍLIN undir MYNDINI, og hoyr samrøðuna Rás2 hevði við málverjan hjá Skála, og málmansvenjaran hjá føroyska U21-landsliðnum, Andras Gango, sum er ættaður úr Ungarn.
Fyrst í samrøðuni var tikið samanum frálíka avrikið hjá føroyska U21-landsliðnum, sum ígjár vann 3-1 á Georgia í EM-undankappingardystinum, sum var spældur á Tórsvølli.
Í samrøðuni greiðir Andras Gango frá tí, sum ungarskir miðlar skrivaðu og søgdu um HM-undankappingardystin millum Ungarn og Føroyar í Budapest, sum Ungarn vann 1-0. Andras Gango greiðir frá , at ungarar eru als ikki nøgdir við tepra sigurin ímóti Føroyum. Hetta hóast ungarski landsliðsvenjarin hevur støðugt undirstrikað, at tað er ikki lætt at vinna á Føroyum.
