Týskal blaðið Bild, skrivar at Chelsea hevur tryggjað sær Christian Pulisic frá Borussia Dortmund. Amerikanski miðvallarin hevur verið settur í samband við fleiri feløg, men nú ljóðar, at hann endar í Chelsea.
Sagt verður, at Chelsea hevur boðið yvir 400 milliónir krónur fyri 20 ára gamla miðvallaran, sum hevur sáttmála til 2020. Tað er ein av orsøkunum, at týska felagið ynskir at selja Christian Pulisic. Hann hevur verið settur í samband við Liverpool og Bayern Munchen.
Bretsk bløð skriva eisini, at Chelsea stríðist við at halda fast í Eden Hazard. Real Madrid hevur víst stjørnuspælaranum úr Belgia stóran áhuga seinnu árini, men higartil hevur bóltsnillingurin spælt sín fótbólt á Stamford Bridge.
