Amerikanskir gospelsangarar og íslendskur trubadurur vitja Føroyar í hesum døgum.
Vonnie og Woody Wright kunnu sigast at vera partur av sonevnda Gaither-umhvørvinum í USA. Vonnie var í nógv ár við í Gaither-familjuni. Woody er kendur bæði sum einstaklingur, við duettini saman við konu síni og sum sangskrivari. Hann hevur millum annað skrivað fleiri tekstir á nýggju fløguni hjá Halli Joensen – eitt nú sangin ”Send me a letter Amanda”. Tey bæði koma at framføra ymsar kendar sangir, eins og egið tilfar.
Páll Rósinkranz var á sinni sangari í íslendska bólkinum Jet Black Joe, men hevur síðani 1996 staðið á egnum tónlistarligum beinum. Hann er best kendur fyri tvær fløgur, sum hann gav út í 2000 og 2001 við stillum tónleiki – sonevndum balladum - men hann hevur eisini útgivið tónleik síðani tá. Páll er í dag sera væl kendur og framúr sangari.
Klokkan 15.10 vitja Vonnie og Woody Wright vitja saman við Páll Rósinkranz Rásarúmið til eitt tónleikaprát á Rás2.
Komandi sunnukvøld klokkan 20 hava hesi trý konsert í Norðurlandahúsinum í Havn.
