Men soleiðis er støðan, og tað er ikki komið leiðsluni í Kringvarpinum til hugs, at stovnurin kanska ger seg inn á rúsdrekkalógina, sum er sera skørp og greið á hesum øki. Eingin, sum ikki hevur sølu ella skeinkiloyvi, kann selja rúsdrekka.
Eitt er, at tey í Kringvarpinum ikki duga nóg væl at gjøgnumhugsa avleiðingarnar av hesum. Men tað er undrunarvert, at stjóri og leiðsla á Føroya fremsta mentanarstovni tíma at útseta stovnin fyri tí kritikki, sum tey biðja um við at eggja fólki at drekka sterkt øl.
Kanska leiðslan átti at farið á skeið í fjølmiðlaetikki...
