Í kvøld klokkan 18 spælir føroyska U21-landsliðið fyrsta EM-undankappingardystin í hesari undankappingini.
Við Djúpumýru í Klaksvík taka Føroyar móti Estlandi.
Tað verður 33 ára gamli turkiski dómarin, Mehmet Türkmen sum dømir dystin millum Føroyar og Estland.
Tað jaliga er, at Mehmet Türkmen hevur dømt í bestu turkisku fótbóltsdeildini undanfarna kappingarár. Tað neiliga er, at hann hevur næstan ongar altjóða royndir. Mehmet Türkmen gjørdist altjóða dómari 1. januar í ár.
Mehmet Türkmen hevur arbeitt seg uppeftir kann eins siga. Í 2017 byrjaði hann at døma dystir í fjórðbestu turkisku deildini. Í 2020 byrjaði hann at døma dystir í triðbestu deildini, og í 2022 byrjaði hann at døma dystir í næstbestu deildini, og í 2024 í bestu turkisku deildini, har tað hendir eitt sindur av hvørjum.
FØROYAR - ESTLAND
Dómari: Mehmet Türkmen TUR
Hjálpardómari 1: Bersan Duran TUR
Hjálpardómari 2: Göktuğ Hazar Erel TUR
Fjórði dómari: Çağdaş Altay TUR
UEFA Dómaraeygleiðari: Stephen Tanner ENG
UEFA Umboð: María Medina Jiménez ESP
