Í annaðkvøld klokkan 18.45 spælir Víkingur seinna dystin í øðrum undanumfarinum í Conference League.
Dysturin verður leiktur á vøllinum við Djúpumýru í Klaksvík móti belgiska liðnum, KAA Gent. Gent vann fyrra dystin 4-1.
Tað verður 33 ára gamli ungarin, Mihály Káprály sum verður høvuðsdómari.
Mihály Káprály hevur ógvuliga fáar altjóða royndir. Hann hevur bara dømt ein dyst higartil í einari undankapping í einari evropeiskari kapping fyri felagslið.
Tá føroyska U21-landsliðið spældi javnleik 1-1 móti Norðurmakedonia í einum EM-undankappingardysti við Djúpumýru i Klaksvík 7. oktober í 2021 var Mihály Káprály fjórði dómari, so hann kennir vøllin við Djúpumýru.
VÍKINGUR (FRO) [1-4] KAA GENT (BEL)
Dómari: Mihály Káprály HUN
Hjálpardómari 1: István Albert HUN
Hjálpardómari 2: Gergő Vígh-Tarsonyi HUN
Fjórði dómari: Ferenc Karakó HUN
UEFA dómaraeygleiðari: Juan Antonio Fernández Marín ESP
UEFA umboð: David Moran IRL
