Oljufeløgini sleppa at bora einaferð eftir ólavsøku ár 2001. Hetta lovar Herálvur Joensen, aðalstjóri í Oljumálastýrinum, hóast langt frá alt er komið í rættlag.
Tað verður strævið at gera alt klárt, men vit skulu klára at taka ímóti umsóknum um eina borigóðkenning einaferð komandi vár, sigur aðalstjórin.
Í hvussu so er nøkur oljufeløg skulu sleppa at bora í komandi ári, sigur hann.
Herálvur Joensen sigur víðari, at tvær kunngerðir eru longu liðugt skrivaðar, og miðjað verður ímóti, at fýra aftrat koma í gildi á nýggjárinum.
Sostatt vita oljufeløgini eftir nýggjár, hvussu tey skulu fyrihalda seg, tá umsóknin um borigóðkenning skal skrivast, sigur aðalstjórin.
Á góðari leið
Eitt er at Oljufyrisitingin verður liðug við sín part, men hvussu langt eru aðrir føroyskir myndugleikar komnir.
Vit hava havt onkrar fundir við aðrar myndugleikar og koma einaferð í heyst at taka hetta mál uppaftur. Hóast eg ikki kann siga, hvussu øðrum myndugleikum gongst, so vænti eg, at alt verður liðugt til tíðina, sigur Herálvur Joensen, aðalstjóri í Oljumálastýrinum.
Hann leggur aftrat, at tá leitingarloyvini verða givin í næstum, so er tað út frá tí fyritreyt, at alt annað skal verða klárt í 2001, so oljufeløgini kunnu søkja um borigóðkenning.
Men vit rokna ikki við, at allir loyvishavararnir fara at bora beinanvegin. Vit skulu nokk vera so klár, at nøkur oljufeløg sleppa at bora beinanvegin, sigur aðalstjórin.
Hann leggur aftrat, at oljufeløgini hava eitt leitiskeið á seks ár.
Og oljufeløgini mugu ikki missa eitt av hesum árum, tí at føroyskir mynduglkeikar ikki eru klárir. Vit hava hóast alt arbeitt fram ímóti hesum í mong ár.cute;ðini eg havi fingið frá venjarum og meiri royndum leikarum er, ikki at fara upp at flúgva, men allatíðina at hava bæði bein á jørðini, hóast tað gongur væl. Og so er tað sjálvandi eisini sera týdningarmikið áhaldandi at arbeiða hart.
- Ein skal vera fótbóltsspælari 24 tímar um døgnið
Men hvat hendir við teimum ungu leikarum, sum verða vrakaðir av liði sínum og hava onga útbúgving?
- Ungir fótbóltsleikarar hava í øllum førum allir fólkaskúlan, eins og eg havi, og frá tí grundarlagi kann ein byggja víðari á, um ein skuldi verðið vrakaður. Men sum oftast er bert hjá teimum at finna eitt annað felag á lægri støði.
Spurdur, um fótbóltur ikki er eitt sindur óvist at byggja á, um ein knappliga skuldi verðið vrakaður uttan at hava nakra útbúgving, sigur Lennie, at tað er heilt víst fleiri leikarar, sum uppliva júst hatta.
- Tað er í roynd og veru so fáir leikarar sum fullføra tað, sum allir droyma um, nevniliga at gerast fulltíðar yrkisleikarar við stórum feløgum, so ein má vera til reiðar til ikki at megna tað.
Tá prátið kemur inn á skaðar og annað, sigur Lennie, at um tað knappliga ein dag skuldi borið so á, at hann gjørdist skaddur fyri lívið, hevði hann farið at arbeitt í handlinum hjá pápa sínum.
Hvørjar eru framtíðarætlanir tínar innan fótbólt?
- At vera fastur maður á Premier League liðnum hjá Chelsea, og so vónandi eisini at koma á enska landsliðið einferð í framtíðini. Tað er stutt sagt mítt mál. Hann leggur afturat, at tað fer sjálvsagt at verða sera torført. Í løtuni spælir Lennie á U-19 liðnum hjá Chelsea, og hóast hann bert er 16 ára gamal, er hann fyrsti málverji har. Hann ynskir at koma so skjótt sum gjørligt á eykaliðið hjá Chelsea, fyri síðani at koma inn á Premier League liðið.
Hvat er kravið hjá tær og hjá ungum fótbóltsleikarum sum heild, um teir skulu fullføra sín dreym?
- Tað ræður um at vera fótbóltsleikari 24 tímar um døgnið, og at arbeiða hart bæði á og uttanfyri vøllin. Uttanfyri vøllin skal ein lata vera við at koma sær uppí trupulleikar og tílíkt. Annars er bert at arbeiða so hart sum tilber, tí eingin kemur sovandi til nakað.
Vit hava ferð eftir ferð sæð bretskar leikarar havt trupulleikar uttanfyri vøllin, og av mongum kann eg nevna t.d. Paul Gascoigne og fyrrverandi Manchester United stjørnuna George Best, so tað er ikki av tilvild, at Lennie sipar til júst hetta.
Til seinast ynskja vit 16 ára gamla málmanstalentinum úr Chelsea, Lennie Pidgeley, alt tað besta í framtíðini, og vóna at hann ein dag fullførir dreym sín. Minst til navnið Lennie Pidgeley, tað kann knappliga koma á sjónvarpsskíggjan ein leygardag seinnapart heima í stovuni.....
