- Visjónin er, at nýtslan av kunningar- og samskiftistøkni í tí almenna, í skúlaverkinum og í vinnuni skal vera við til at lyfta føroyska samfelagið frá einum ídnaðarsamfelagi og til eitt »innovasjónssamfelag«. Hetta fer at føra við sær, at føroyska vinnan kann gera seg galdandi á altjóða pallinum, segði Anna Mittún Jacobsen og legði eina við, at høvuðstrupulleikin í KT er, at Føroyar vanta føroyingar við altjóða royndum:
- Men í 2015 skal alnetið verða ein natúrligur og berandi partur av gerandislívinum. KT skal verða við til at lyfta støðið í allari undirvísing, tað almenna skal verða ein áhaldandi drívmegi í at nýta kunningartøkni á ein fyrimyndarligan hátt og somuleiðis skal alnetið verða ein natúrligur og berandi partur av øllum vinnulívinum, segði Anna Mittún Jacobsen millum annað, tá hon legði ætlanina hjá KT-bólkinum fram á Hotel Føroyum í morgun.
