Vinnudagurin 2010 verður í Norðurlandahúsinum fríggjadagin 1. oktober, og fyrilestar verða um alment-privat samstarv, vinnumenning og íverksetan.
- Skulu vit halda fram at mala í ring? Soleiðis spyr Vinnuhúsið, sum skipar fyri Vinnudegnum.
Fyrilestrarnir á Vinnudegnum snúgva seg um alment-privat samstarv, um vinnumenning og íverksetan og eisini verður ein fyrilestur um at klára tað ógjørliga. Hesir fyrilestrar saman við kjakinum undir heitinum »Skulu vit halda fram at mala í ring?« fara at geva okkum ein áhugaverdan og fjøltáttaðan dag. Eisini verður Ársins Virki og Ársins Átak kosin. Skráin fyri dagin er viðheft hesum teldubrævi.