Almennu feløgini hava á fundi í dag gjørt av at ganga ímóti áheitanini frá Fíggjarmálaráðnum um at útseta sáttmálan og harvið lønarhækkanina í eitt ár. Almennu feløgini hava á fundi í dag gjørt av at ganga ímóti áheitanini frá Fíggjarmálaráðnum um at útseta sáttmálan í eitt ár.
Í skrivi frá Fíggjarmálaráðnum frá 1. juli 2009 varð heitt á almennu feløgini um at sáttmálin, sum eigur at koma í gildi tann 1. oktober í 2009, heldur skal koma í gildi tann 1. oktober í 2010. Og at sáttmálin, sum skuldi fara úr gildi tann 1. oktober í 2010, heldur fer úr gildi tann 1. oktober í 2011.
- Undirritaðu fakfeløg hava á felags fundi í dag, tann 8. juli, viðgjørt skrivið frá Fíggjarmálaráðnum.
Full semja er millum fakfeløgini um at halda seg til galdandi sáttmála, og tí kunnu fakfeløgini ikki taka undir við tilmælinum frá Fíggjarmálaráðnum, siga feløgini.
Skrivið til Fíggjarmálaráðið og Jóannes Eidesgaard, fíggjarmálaráðharra, er undirskrivað av hesum feløgum:
Akademikarafelagið
Almanna- og Heilsurøktarafelagið
Bioanalytikarafelagið
Búskapar- og Løgfrøðingafelagið
Felagið Føroyskir Sjúkrarøktarfrøðingar
Ergoterapeutfelagið
Føroya Handverkarafelag
Føroya Lærarafelag
Føroya Musiklærarafelag
Føroya Pedagogfelag
Føroya Psykiatrifelag
Føroya Skipara- og Navigatørfelag
Føroya Tekniska Lærarafelag
Fysioterapeutfelag Føroya
Havnar Arbeiðskvinnufelag
Heilsuhjálparafelag Føroya
Kost- og føðslufelag Føroya
Landsfelag Handverkaranna
Ljósmøðrafelag Føroya
Maskinmeistarafelagið
Starvsmannafelagið
Yrkisfelag Studenta- og HF-lærara
