Tað strævnasta ? og mest stressandi starvið, tú kanst hugsa tær, at starvast sum tappari ella pakkari. Tað sigur í øllum førum Det Nationale Forskningsinstitutt fyri Arbeiðsumhvørvi í Danmark
Almennir stjórar hava tað lættast, meðan tey, sum pakka øl og sodavatn á bryggjaríunum hava tað strævnasta arbeiðið. Hetta vísir í øllum førum kanning, sum er gjørd fyri at finna tað mest strongda og tað minst strongd arbeiðið.
Sambært Tage Søndergaard Kristensen, sum er strongd-granskari á Det Nationale Forskningsinstitutt fyri Arbeiðsumhvørvi í Danmark ljóðar nágreiniliga uppskriftin upp á arbeiðsstrongd:
Stórt arbeiðstrýst, høgt tempo, skiftandi arbeiðstíðir og lítil ávirkan.
Men eisini størv, sum hava við menniskju at gera, skora eisini nógv á strongd-barometrinum.
- Har tað eru menniskju, er altíð møguleiki fyri konfliktum, og tað gevur strongd, sigur Tage Søndergaard Kristensen við danska morgunblaðið 24timer.
Í kanningini spurdu granskararnir umboðandi part av fólkinum, hvussu ofta tey kenna seg strongd, irriterað og hava trupulleikar við at sova. Alt samalt tekin um strongd.
Almennir stórar eru í tí fakbólkinum, sum kenna seg minst strongdar.
Tíggju tey mest strongdu størvini:
1. Tapparar, pakkarar
2. Fysio- og ergoterapeutar
3. Røktarstarvsfólk
4. Læknskrivarar
5. Ófaklærdir elektronikarbeiðarar
6. Fólkaskúlalærarar
7. Bókhaldarar og grannskoðarar
8. Pedagogar
9. Umsorganarmedhjálparar
10. Læknar og tannlæknar
Tíggu tey minst strongdu størvini:
1. Almennir stjórar
2. Goymsluavgreiðslufólk
3. Elektrikarar
4. Goymslu- og havnaarbeiðarar
5. Pedagogmedhjálparar
6. Dagrøktarar
7. Mekanikarar
8. Fólk í matstovuvinnuni
9. Sjúkrasystrar
10. Timburmenn og snikkarar
Kelda: Spurnarkanning við umboðandi parti av danska fólkinum, gjørd av NFA
