Tað eru í kvøld góð tíðindi at frætta frá B36.
Í tíðindaskrivi verður í kvøld boðað frá, at allir spælararnir eru frískir og harvið ikki raktir av koronu. B36 sigur soleiðis íkvøld:
Sum kunnugt varð ein í leiðarahópinum hjá felagnum testaður positivur fyri koronu. Tí bleiv allur hópurin kring Betri-liðnum hjá felagnum testaður aftur í dag, og tíbetur vóru ikki fleiri tilburðir staðfestir.
Allur hópurin var í sjálvbodnum sóttarhaldi, til eitt svar uppá testina í dag var greitt. Vit hava samskift við landslæknan aftur í kvøld, og niðurstøðan hjá landslæknanum var, at umstøðurnar kring tilburðin vóru av tílíkum slag, at hópurin ikki er settur í sóttarhald.
Vit kunnu tí halda fram við fyrireikingunum til EL-dyst okkara, og felagið fer at testa allar spælararnar aftur fríggjadagin og mánadagin. Fyri at binda um heilan fingur, verður eingin venjing, fyrr enn vit hava fingið svar upp á testirnar, sum verða tiknir fríggjamorgunin, sigur B36 í tíðindaskrivi fyri lítlari løtu síðani.
