Allan og Satchwell vunnu á Vilhelmi og Rógva

Føroyingauppgerð var í bestu íslendsku hondbóltsdeildini í kvøld millum liðið hjá Rógva Dal-Christiansen og Vilhelmi Poulsen, Fram og liðið hjá Allani Norðberg og Nicholas Satchwell, KA. 

Fram var betra liðið í fyrra hálvleiki og var á odda 15-9 í steðginum, men í seinna hálvleiki var KA greitt omaná og vann at enda dystin 26-24.

Vilhelm Poulsen skoraði fimm mál og Rógvi Dal-Christiansen skoraði eitt mál fyri Fram í kvøld. Allan Norðberg skoraði seks mál fyri KA í kvøld.

Fram hevur 14 stig á níggjunda plássi og hevur fýra stig upp til sera týðandi áttanda plássið har Afturelding hevur 18 stig. KA hevur 19 stig á sætta plássi.

Átta tey fremstu liðini fara víðari til meistaraskaps-endaspælið.

Dánjal Ragnarsson og liðfelagarnir í ÍBV vunnu 32-29 á Afturelding á útivølli. ÍBV var á odda 16-14 í steðginum. Dánjal var ikki millum málskjúttarnar hjá ÍBV í kvøld. 

Leygarkvøldið spælir Fram torføran útidyst móti Vali. 

Sunnudagin tekur KA móti Afturelding á heimavølli. ÍBV tekur sama dag móti Haukum á heimavølli. 

Støðan: