Liðið hjá føroysku landsliðsleikarunum, Allan Norðberg og Nicholas Satchwell, KA av Akureyri í Íslandi er úti av Europa Cup kappingini.
Ígjár vann KA 30-29 (12-15) á eysturríkska liðnum, Aon Fivers í tí fyrra dystinum.
Í dag var Aon Fivers tó omaná. Eysturíkska liðið vann seinna dystin 30-26, og vann harvið samanlagt 59-56, og fer víðari í kappingini.
Í steðginum var Aon Fivers á odda 17-12.
Allan Norðberg skoraði trý mál uppá fimm málroyndir, og Nicholas Satchwell bjargaði fýra av 21 málroyndum ta løtuna hann var á vøllinum.
KA má nú fokusera uppá heimligu kappingina.
Komandi hóskvøld hevur KA heimadyst móti Stjørnuni í bestu íslendsku deildini.
