Allan Norðberg skoraði níggju mál fyri KA í kvøld

Allan Norðberg vísti stórspæl og skoraði heili níggju mál fyri føroyingaliðið, KA sum vann greiðan 31-22 sigur á Víkingi á útivølli í kvøld. Pætur Mikkjalsson skoraði eitt mál og Nicholas Satchwell bjargaði átta málroyndum hjá Víkingi.

Tað lá serliga væl fyri hjá KA í fyrra hálvleiki. Í steðginum vóru akureyringarnir á odda 16-6.

KA er í góðari gongd, og hava teir nú vunnið tríggjar dystir á rað og eru at finna á sera týðandi áttanda plássinum, ið gevur pláss í endaspælinum.

Dánjal Ragnarsson sat uttanfyri við einum lítlum skaða tá liðfelagarnir hjá honum í ÍBV tókum móti Stjørnuni. Stjørnan vann greitt 31-20. Í fyrra hálvleiki var ÍBV væl við. Í steðginum var Stjarnan bert á odda 12-11, men seinna hálvleik vann útiliðið greitt 19-9.

Vetrarsteðgur er nú til fyrst í februar, og tvey av trimum føroyingaliðum eru millum átta tey fremstu liðini. Fram er tó bert tvey stig frá áttanda plássinum.

Støðan: