Vit í Føroyum halda, at Allan Simonsen gjørdi tað framúr eftir umstøðunum, tá hann var føroyskur landsliðsvenjari millum 1994 og 2001. Vit vunnu allar dystir móti javnlíkum, fingu javnleikir móti sterkari liðum, og góvu nógvum góðum liðum skarpan gang í teprum tapum.
Men sambært danska Tipsblaðnum, ið hevur gjørt eitt yvirlit yvir hvussu níggju tær størstu donsku fótbóltspersónligheitirnar hava klárað seg sum venjarar, so hevur Allan Simonsen gjørt tað slakast av øllum donskum fótbóltspersónligheitum, ið hava roynt venjaraleiðina.
Tipsblaðið skundar sær tó at leggja aftrat til verju fyri Allan Simonsen, at hann var venjari hjá bæði Føroyum og Luksemborg. Hvør skal siga?
Morten Olsen er danska fótbóltspersónligheitin, ið hevur gjørt tað best sum venjari. Michael Laudrup hevur gjørt tað næstbest.
HER er spennandi yvirlitið hjá Tipsblaðnum:
| VENJARI | Sigrar sum venjari (í prosentum) | Tíðarskeið sum venjari | Feløg/Landslið | Dystir sum venjari | Sigrar | Javnleikir | Tap |
| Allan Simonsen | 13,48 % | 1991-2014 | 4 | 89 | 12 | 13 | 64 |
| Søren Lerby | 29, 41 % | 1991-1992 | 1 | 17 | 5 | 5 | 7 |
| Morten Wieghorst | 39, 93 % | 2005- | 4 | 338 | 135 | 92 | 111 |
| Kent Nielsen | 40, 83 % | 2000- | 5 | 774 | 316 | 183 | 275 |
| Kasper Hjulmand | 42, 13 % | 1998- | 4 | 356 | 150 | 83 | 123 |
| Richard Møller Nielsen | 44, 44 % | 1962-2003 | 9 | 99 | 44 | 27 | 28 |
| Jon Dahl Tomasson | 46, 64 % | 2011- | 4 | 223 | 104 | 46 | 73 |
| Michael Laudrup | 48, 09 % | 2000-2018 | 7 | 445 | 214 | 107 | 125 |
| Morten Olsen | 50, 24 % | 1990-2015 | 4 | 418 | 210 | 106 | 125 |
