Ígjár vóru Áki Egilsnes og liðfelagarnir í EHV Aue og vitjaðu Rostock á útivølli í dysti í aðru bundesligu í Týsklandi.
Áki og liðfelagarnir hava verið út fyri nógvum teprum ósigrum hetta kappingarárið, og dysturin ígjár gjørdist enn ein av hesum tepru tapunum.
Rostock vann 35-34. Í steðginum var støðan javnleikur 17-17. Áki kom ikki á máltalvuna í dag.
Aue liggur undir niðurflytingarstrikuni við átta stigum. Tó eru bara tvey stig upp til bjargingina.
18. desember spælir Aue á heimavølli móti Dormagen, ið liggur næstaftast við fimm stigum. Tá eigur at bera til at knógva ein hart tiltrongdan sigur heim.
