Súna K. Hansen, Lív S. Poulsen og liðfelagarnir í Ajax tóku í kvøld móti toppliðnum, Odense á heimavølli í bestu donsku hondbóltsdeildini.
Odense vann dystin 27-25.
Í fyrra hálvleiki var Ajax omaná. Í steðginum var Ajax á odda 12-10. Frá tí Odense kom á odda 15-14 var útiliðið á odda restina av dystinum.
Súna og Lív skutu eitt mál hvør fyri Ajax. Súna vann liðnum tvey brotskøst.
Ajax er nummar níggju í deildini við sjey stigum.
Komandi dystur hjá Ajax verður á útivølli móti Sønderjyske 6. januar.
