Seinasta leygarkvøld varð skipað fyri hugnakvøldi í Smæruni í Klaksvík í samband við, at áhugabólkurin hevur verið virkin í 25 ár.
Á skránni var sangur, hugleiðingar og ábit.
Kala Lómaklett hugleiddi um ymisk tiltøk, sum áhugabólkurin hevur skipað fyri seinastu árini, og Gunvør Sigurðsson, forkvinna í Eldraráðnum, greiddi frá arbeiðnum hjá eldraráðnum og kunnaði um, hvussu ráðið er samansett.
Unn og Jón Absalon Østerø framførdu eisini nakrar sangir, og setti hetta ein heilt serligan dám á hugnaløtuna.
Borgarstjórin í Klaksvíkar kommunu, Karl Johansen, sum eisini er stýrisformaður í Norðoya Bú- og Heimatænastu, varð boðin við og luttók, bæði sum gestur og myndamaður.
Umleið 60 fólk vóru til hugnakvøldið í Smæruni í Klaksvík
