- Eg helt ikki, at eg nakrantíð fór at syngja aftur, sigur Agneta Fältskog, sum var ein av sangarunum í ABBA.
Tað eru liðin 40 ár, síðani ABBA royndi at fáa gjøgnumbrot við sanginum Ring Ring, og árið eftir vóru tey við í Eurovision kappingini og vunnu við Waterloo. Eftir tað gjørdust tey størsti poppbólkur í heiminum í síni tíð.
62 ára gamla Agneta Fältskog hevur hildið steðg frá tónleikinum í 10 ár, og men nú hevur hon aftur verið í studio og spælt tónleik inn. Ein av sangunum er ein duett við Take That-sangaran Gary Barlow.
Fyrsta útspælið verður sangurin When You Really Love Someone, og í vár kemur nýggj útgáva, sum er gjørd í samstarvi við Jörgen Nordahl og Peter Nordahl.
- Eg helt ikki, at eg nakrantíð fór at syngja aftur, men so ringdi ein vinur til mín og spældi eitt sindur av tónleiki fyri mær. Tá hugsaði eg, at hatta mátti eg spæla inn, sigur Agneta við danska blaðið BT.
