Øll trý føroyingaliðini í bestu íslendsku hondbóltsdeildini vóru í leiki í kvøld.
Sveinur Olafsson, Hallur Arason og liðfelagarnir í Afturelding vunnu á heimavølli stórsigur 34-20 (12-9) á Fjölnir.
Hallur var við fimm málum millum næstbestu málskjúttarnar hjá Afturelding. Sveinur skoraði tvey mál.
Bjarni í Selvindi, Allan Norðberg og liðfelagarnir í Vali vunnu á útivølli í Kópavogi greiðan 33-25 (14-9) sigur á HK.
Bjarni skoraði trý mál og Allan eitt mál.
Jóhannes Bjørgvin og liðfelagarnir í Stjörnuni taptu á útivølli 32-34 (15-19) fyri ÍR.
Øll trý føroyingaliðini hava vunnið seg millum átta tey fremstu liðini í grundspælinum, og skulu sostatt spæla meistaraskapsfjórðingsfinalur. Nú manglar bert eitt umfar í grundspælinum.
Í seinasta umfarinum í grundspælinum spæla føroyingaliðini soleiðis komandi mikukvøld: Valur-Haukar, Grótta-Afturelding og Stjarnan-Fram.
Í fjórðingsfinalunum møtir nummar eitt nummar átta, nummar tvey møtir nummar sjey, nummar trý møtir nummar seks, og nummar fýra møtir nummar fimm.
Støðan:
| Nr. | Lið: | Dystir | V | J | T | Mál | +/- | Stig |
| 1 | Valur | 21 | 15 | 2 | 4 | 690:608 | 82 | 32 |
| 2 | FH | 20 | 14 | 3 | 3 | 600:527 | 73 | 31 |
| 3 | Fram | 21 | 15 | 1 | 5 | 721:645 | 76 | 31 |
| 4 | Afturelding | 21 | 13 | 3 | 5 | 677:591 | 86 | 29 |
| 5 | Haukar | 21 | 11 | 3 | 7 | 664:582 | 82 | 25 |
| 6 | ÍBV | 21 | 8 | 5 | 8 | 649:658 | -9 | 21 |
| 7 | Stjarnan | 21 | 8 | 4 | 9 | 600:627 | -27 | 20 |
| 8 | HK | 21 | 7 | 2 | 12 | 611:629 | -18 | 16 |
| 9 | KA | 20 | 5 | 3 | 12 | 580:635 | -55 | 13 |
| 10 | ÍR | 21 | 5 | 3 | 13 | 653:748 | -95 | 13 |
| 11 | Grótta | 21 | 4 | 3 | 14 | 585:634 | -49 | 11 |
| 12 | Fjölnir | 21 | 4 | 0 | 17 | 546:692 | -146 | 8 |
