Ein veikur hátrýstsryggur av vestri fer fram við okkum og hevur brúgvaløg við sær. Mikudagin til leygardagin blæsir køld luft við kavaælum inn yvir landið av útnyrðingi og norðri.
Í dag
Í dag verður andøvsgul upp í ein strúk av vestri, 8 til 13 m/s, seinnapartin stívt andøvsgul upp í hvassan vind, 10 til 15 m/s, sum mikukvøldið hækkar í ein útnyrðing. Yvirhøvur skýggjað og ælaveður, serliga í kvøld. Hitin millum 3 og 7 stig.
Í morgin
Stívt andøvsgul upp í hvassan vind av útnyrðingi, 10 til 15 m/s, sum øtlar upp í hvassan vind ella skrið, 15 til 20 m/s, um náttina upp í storm í hvirlunum, 25 m/s. Yvirhøvur skýggjað og ælaveður, sum frá líður við vátaslettingi ella kava. Hitin millum 2 og 5 stig, um náttina millum frostmarkið og 3 hitastig.
Hósdagin
Hvassur vindur ella skrið av útnyrðingi og norðri, 15 til 20 m/s, eitt skifti upp í storm, 23 m/s og í hvirlunum upp í hvassan storm, upp í 28 m/s. Um náttina makar hann vindin aftur niður í stívt andøvsgul upp í hvassan vind, 10 til 15 m/s. Yvirhøvur skýggjað og kavaælingur og hitin millum 1 kuldastig og 3 hitastig.
Fríggjadagin
Stívt andøvsgul upp í hvassan vind av norðri og útnyrðingi, 10 til 15 m/s, sum spakuliga makar niður í gul til stívt andøvsgul, 5 til 10 m/s. Samdrigið og kavaælingur og hitin millum 2 kuldastig og frostmarkið.
Leygardagin
Gul til stívt andøvsgul av útnyrðingi og norðri, 5 til 10 m/s, sum makar niður í lot til andøvsgul av ymsum ættum, 3 til 8 m/s. Yvirhøvur skýggjað og kavaælingur og hitin um frostmarkið.
Sunnudagin
Lot til andøvsgul av ymsum ættum, 3 til 8 m/s, sum øtlar út á seinnapartin. Í nátt verður stívt andøvsgul upp í hvassan vind, 10 til 15 m/s. Samdrigið og kavaæl og hitin millum 2 kuldastig og frostmarkið.
