Fleiri fakfeløg hava víst sín samhuga við Føroya Pedagogfelag, sum nú hevur verið í verkfalli í hálva triðju viku.
Í morgin klokkan sjey fer Havnar Arbeiðskvinnufelag í 24 tíma verkfall.
Arbeiðssteðgurin umfatar limir, sum starvast á Landssjúkrahúsinum og øðrum almennum stovnum, umframt teir kommunalu stovnar, har bæði námsfrøðingar og limir í HAK vanliga arbeiða.
Landssjúkrahúsið er í dag eisini rakt av arbeiðsstegði, tí onnur feløg eru í samhugaverkfalli.
